រថយន្ត Automobile: June 2019

Saturday, June 29, 2019

ចេញថ្មីទៀតហើយ LEXUS LF-NX

ចុចត្រង់នេះទស្សនា វីដេអូ LEXUS LF-NX

Thursday, June 27, 2019

គួរទិញរថយន្តពណ៌អី្វដើម្បីឱ្យនាំលាភដល់ខ្លួន?

រថយន្តមិនមែនត្រឹមតែជាយានជំនិះ នៃមធ្យោបាយធ្វើដំណើរនោះទេ តែវាក៏អាចនាំហុងស៊ុយ ដល់ម្ចាស់រថយន្តដែរ បើទិញត្រឹមត្រូវទៅតាមថ្ងៃកំណើត។ ខាងក្រោមនេះជាតម្រា ក្នុងការទិញរថយន្តដែលយោងតាមតម្រាហុងស៊ុយ ស៊ឹង ណាំហុង។

សម្រាប់អ្នកកើតថ្ងៃអាទិត្យ
ពណ៌ឈាមជ្រូក ពណ៌ក្រហម៖ ជួយឱ្យមានអ្នកគោរពកោតក្រែង។ ពណ៌ខ្មៅ៖ ជួយរឿងលុយកាក់។ ពណ៌ស៖ ជួយឱ្យមានសុវត្ថិភាព ចៀសផុតពីគ្រោះថ្នាក់ផ្សេងៗ។ ពណ៌សំបកមង្ឃុត៖ ជួយចម្រើនលុយកាក់និងទំនុកចិត្ត។ ពណ៌បៃតង៖ មានអ្នកជួយទំនុកបម្រុង។ ពណ៌ដែលមិនគួរប្រើគឺពណ៌ផ្ទៃមេឃនិងពណ៌ខៀវទឹកប៊ិច។ រីឯស្លាកលេខរថយន្តមិនគួរមានលេខ៣ និង ៦ទេ។

សម្រាប់អ្នកកើតថ្ងៃចន្ទ
ពណ៌ទឹកក្រូច លឿងចាស់៖ ចម្រើនខាងលុយកាក់ និង ភាពរឹងប៉ឹងមាំមួន។ ពណ៌ខ្មៅ៖ ជួយឱ្យមានសុវត្ថិភាព ចៀសផុតពីគ្រោះថ្នាក់ផ្សេងៗ។ ពណ៌ទឹកប៊ិច និង ពណ៌មាស៖ មានមេត្តា មានមន្តស្នេហ៍ ទទួលការទំនុកបម្រុង ពីមនុស្សចាស់ដែលធ្វើឱ្យមានជោគលាភ។ ពណ៌សម្បកមង្ឃុត៖ ជួយចម្រើនថាមពលឱ្យរលូនក្នុងជីវិត។ ពណ៌ជម្ពូ ឬ ផ្កាឈូក៖ ជួយឱ្យមានអ្នកទំនុកបម្រុង។ ពណ៌ផ្ទៃមេឃ៖ ជួយឱ្យសម្រេចជោគជ័យក្នុងរឿងជីវិតនិងរឿងស្នេហា។ ពណ៌បៃតង៖ ជួយឱ្យមានអំណាចកិត្តិយសមានឈ្មោះបោះសម្លេង។ ពណ៌ដែលមិនគួរប្រើ៖ ពណ៌ក្រហម។ រីឯស្លាកលេខរថយន្តមិនគួរមានលេខ ១ និង ៥។

សម្រាប់អ្នកកើតថ្ងៃអង្គារ
ពណ៌ស្វាយចាស់៖ ជួយឱ្យមានជោគជ័យ និង បារមី។ ពណ៌ខ្មៅ៖ ជួយឱ្យមានអំណាច កិត្តិយសកេរ្តិ៍ឈ្មោះ។ ពណ៌ត្នោត ឬ ប្រផេះ៖ ជួយឱ្យគេជឿជាក់។ ពណ៌មាស៖ ជួយឱ្យមានសុវត្ថិភាពផុតគ្រោះថ្នាក់។ ពណ៌ស៖ ជួយអោយមានស្ថិរភាពក្នុងជីវិត។ ពណ៌បៃតង៖ ជួយឱ្យចាកចេញឆ្ងាយ ពីឧបសគ្គ។ ពណ៌ក្រហមឬ ពណ៌ផ្កាឈូក៖ ជួយសម្រេចកិច្ចការងារ ព្រោះមានអ្នកចាំជួយ ឧបត្ថម្ភគាំទ្រ។ មិនគួរប្រើពណ៌ ស ឬ លឿងទុំ រីឯស្លាកលេខមិនគួរមានលេខ ១ និង ២។ សម្រាប់អ្នកកើតថ្ងៃពុធ (ពីម៉ោង ៦:០១ព្រឹក ដល់ ៦:០០ល្ងាច) ពណ៌ទឹកប៊ិចឬផ្ទៃមេឃ៖ ជួយឱ្យអ្នកក្លាយជាអ្នកដែលគួរឱ្យលើកតម្កើង ឬគោរពរាប់អាន។ ពណ៌ស្ករ ឬ មាស៖ ជួយបង្កើនអំណាចកេរ្តិ៍ឈ្មោះ។ ពណ៌ស ឬ លឿងខ្ចី៖ ជួយឱ្យជោគជ័យក្នុងជីវិត និង ការងារព្រោះមានអ្នកជួយឧបត្ថម្ភគាំទ្រ។ ពណ៌ប្រផេះឬពណ៌ត្នោត៖ ជួយបង្កើនភាពរលូនក្នុងជីវិត។ ពណ៌ស្វាយចាស់៖ ជួយបង្កើនឱ្យមានជោគវាសនាខ្ពស់។ ពណ៌បៃតង៖ ជួយឱ្យមានមន្តស្នេហ៍ មេត្តាធម៌ និង ការគួរឱ្យគោរព។ មិនគួរប្រើរថយន្តពណ៌ ក្រហម និង ផ្កាឈូក រីឯស្លាកលេខមិនគួរមានលេខ ៣ និង ៨។

អ្នកកើតថ្ងៃពុធ (ពីម៉ោង ៦:០០ល្ងាចដល់ ៦:០០ព្រឹក)
ពណ៌ផ្កាឈូក៖ ជួយឱ្យមានទំនុកចិត្ត។ ពណ៌ខ្មៅ៖ ជួយឱ្យការងារដំណើរការបានល្អ។ ពណ៌ប្រផេះឬត្នោត ៖ ជួយឱ្យមានសុវត្ថិភាព ចៀសផុតពីគ្រោះថ្នាក់ផ្សេងៗ។ ពណ៌ស្វាយចាស់៖ ជួយឱ្យសម្រេចជោគជ័យក្នុងជីវិត និងការងារព្រោះមានអ្នកចាំគាំទ្រ។ ពណ៌ខៀវ ឬ ផ្ទៃមេឃ៖ ជួយឱ្យចាកឆ្ងាយពីគ្រោះថ្នាក់។ ពណ៌ក្រហម ឬ ស្ករ៖ ជួយឱ្យមានជោគលាភ។ មិនគួរប្រើពណ៌ ទឹកក្រូច ឬ ពណ៌មាស រីឯស្លាកលេខចៀសវាងលេខ ៤ និង ៥។

សម្រាប់អ្នកកើតថ្ងៃព្រហស្បតិ៍
ពណ៌ស៖ ជួយឱ្យអ្នកដទៃមានទំនុកចិត្ត។ ពណ៌ក្រហម៖ ជួយឱ្យមានសុវត្ថិភាព ចៀសផុតពីគ្រោះថ្នាក់ផ្សេងៗ។ ពណ៌ត្នោត ឬ ប្រផេះ៖ ជួយឱ្យចាកឆ្ងាយពីឧបសគ្គ សត្រូវនិងបញ្ហាផ្សេងៗ។ ពណ៌ផ្ទៃមេឃ៖ ជួយបង្កើនជោគលាភ វាសនាបារមី។ ពណ៌បៃតង៖ ជួយឱ្យសម្រេចបំណង ព្រោះមានអ្នកជួយឧបត្ថម្ភគាំទ្រ។ ពណ៌ទឹកក្រូច ឬ មាស៖ ជួយឱ្យមានសិរីមង្គលក្នុងជីវិត។ មិនគួរប្រើពណ៌ខ្មៅ ស្វាយនិង ទឹកប៊ិច គួរចៀសស្លាកលេខ ដែលមានលេខ ៧ និង ៩។

សម្រាប់អ្នកកើតថ្ងៃសុក្រ
ពណ៌បៃតង៖ ជួយឱ្យអ្នកដទៃមានទំនុកចិត្តមកលើ។ ពណ៌ក្រហម ឬ មាស៖ ជួយឱ្យការងារលូនទៅមុខល្អ។ ពណ៌ក្រហម ឬ ផ្កាឈូក៖ ជួយឱ្យមានសុវត្ថិភាព ចៀសផុតពីគ្រោះថ្នាក់ផ្សេងៗ។ ពណ៌លឿង៖ ជួយឱ្យសម្រេចកិច្ចការធំ។ ពណ៌ខ្មៅ៖ ជួយឱ្យរួចផុតពីឧបសគ្គ សត្រូវ និង បញ្ហាផ្សេងៗ។ ពណ៌ស្ករ៖ ជួយឱ្យមានជោគលាភ។ ពណ៌ផ្ទៃមេឃ ឬ ខៀវ៖ ជួយឱ្យមានលាភបារមី វាសនាល្អ។ មិនគួរប្រើពណ៌ ត្នោត ប្រផេះ និង ស្វាយ រីឯស្លាកលេខចៀសពីលេខ ៧ និង ៨។

អ្នកកើតថ្ងៃសៅរ៍
ពណ៌ក្រហម៖ ជួយឱ្យអ្នកដទៃជឿទុកចិត្ត។ ពណ៌ផ្កាឈូក៖ ជួយឱ្យសម្រេចបំណង ព្រោះមានអ្នកចាំជួយឧបត្ថម្ភគាំទ្រ។ ពណ៌ខៀវ ឬ ផ្ទៃមេឃ៖ ជួយឱ្យមានសុវត្ថិភាព ចៀសផុតពីគ្រោះថ្នាក់ផ្សេងៗ។ ពណ៌មាស លឿង៖ ជួយឱ្យចាកឆ្ងាយពីឧបសគ្គ សត្រូវ និង បញ្ហាផ្សេងៗ។ ពណ៌ខ្មៅ ស្វាយចាស់៖ ជួយឱ្យមានជោគលាភមន្តស្នេហ៍ គួរឱ្យគោរព។ មិនគួរប្រើពណ៌ បៃតង ឡើយ ចំណែកស្លាកលេខមិនគួរមានលេខ ៤ និង ៦ ឡើយ។
ប្រភព៖ សប្បាយ

Wednesday, June 26, 2019

ការទស្សន៍ទាយហុងស៊ុយស្លាកលេខ យានយន្តរបស់អ្នក!

មិនថាជនជាតិណាទេសុទ្ធតែមានជំនឿជាក់យ៉ាងមុតមាំ ទៅលើស្លាកលេខយានជំនិះ របស់គេជានិច្ច ព្រោះគេជឿថាវាពិតជាមានឥទ្ធិពល ក្នុងផ្លូវអរូបិយ ដែលជំរុញឲ្យផ្លូវជីវិតរកស៊ី របស់គេ ក្នុងផ្លូវរូបិយ អោយស្ថិតក្នុងស្ថានភាពបែបណាមួយ (ល្អ ឬក៏ អាក្រក់) យ៉ាងពិតប្រាកដ ។

ក្នុងនោះផងដែរ ជនជាតិចិន ខ្មែរ និង ថៃ គឺមានជំនឿខ្លាំងជាងគេ ចំពោះផលបូកនៃតួលេខរបស់ស្លាកលេខនីមួយៗរបស់ពួកគេ ។

ដើម្បីអាចដឹងថាស្លាកលេខយានយន្ដរបស់អ្នកមានឥទ្ធិពលចំពោះជីវិតអ្នកយ៉ាងណានោះ សូមយកតួលេខ នៃស្លាកលេខនោះមកបូកបញ្ចូលគ្នារហូតនៅសល់លេខមួយខ្ទង់សម្រាប់ការទស្សន៍ទាយ ។ ឧទាហណ៍ ស្លាកលេខ 2CY-6656 = 6+6+5+6 =23 ហើយយក 2+3=5។

លេខ១- ជាលេខមង្គល៖ ដែលនឹងផ្តល់ឲ្យមានដំណែងខ្ពង់ខ្ពស់ ព្រមទាំងទទួលបានពិភពផ្ទាល់ខ្លួន នៃជីវិតគ្រួសារមិនពាក់ព័ន្ធជាមួយនរណា ធ្វើអ្វីតែម្នាក់ឯងជាមួយគ្រួសារ និង ទទួលបានការយកចិត្តទុកដាក់យ៉ាងពេញទំហឹងពីគ្រួសារ ។

លេខ២- ជាលេខស្រ្តី៖ ដែល សំដៅដល់ សេចក្ដីសុខ ភាពសប្បាយរីករាយ មានដៃគូជួយជ្រោមជ្រែង នឹង នាំមកនូវភាពសុខស្រួល មិនមានការប៉ះទង្វិចមកឲ្យរថយន្ដនេះ ព្រមទាំងធ្វើឲ្យម្ចាស់ទៅទីជិតឆ្ងាយមានគេរាប់រកច្រើន ។

លេខ៣- ជាលេខព្រះ៖ ដែលសំដៅដល់ការចាប់ផ្ដើមនូវភាពជោគជ័យ និងផលកម្រៃផ្សេងៗ តែអាចសំដៅដល់ឧប្បត្តិវហេតុផងដែរ ក្នុងករណីម្ចាស់រថយន្តមានចរិកក្រអើតក្រទម មិនមានធម៌នៅក្នុងខ្លួន ។

លេខ៤- ជាលេខអ្នកធំ៖ ដែលសំដៅដល់ការមានក្ដីក្ដាំង ឈ្លោះទាស់ទែង មានបញ្ហាមិនល្អ ។ ប៉ុន្តែ អ្នកអាចកែបញ្ហានេះបាន ប្រសិនបើម្ចាស់យានយន្តជាមនុស្សមានព្រះក្នុងខ្លួន មានធម៌ត្រឹមត្រូវ ចេះគោរពអ្នកដទៃ ហើយវានឹងជះត្រលប់មកវិញនូវលាភសំណាងទ្រព្យធន និង កិត្តិយសមិនគួរអោយជឿផងដែរ។

លេខ៥- ជាលេខជាង៖ ដែលសំដៅដល់ការជុសជុល ការជាប់គាំងរឿងប្រាក់កាស ឬក៏ខូចខាត ប៉ះទង្វិចនានា។ ប៉ុន្តែអាចកែបញ្ហាបានដោយយកផ្កាថ្វាយជំនាងឡានរាល់ថ្ងៃកំណើតរបស់ខ្លួនជួយឲ្យរួចផុតគ្រោះថ្នាក់ និងកាន់តែសំណាងល្អ។

លេខ៦- ជាលេខសច្ចៈ៖ សំដៅដល់ការដែលមានអ្នកជួយជ្រោមជ្រែង ផ្ដល់លុយកាក់ច្រើន មានភាពចម្រើនរុងរឿងរួចផុតពីគ្រោះថ្នាក់ទាំងពួង ទន្ទឹមនឹងនោះ នឹងមានលាភចូលពីសំណាក់ជនដទៃដែលចូលរួមប្រាស្រ័យនឹងយានជំនិះនេះផងដែរ ។

លេខ៧- ជាលេខព្រាយ៖ សំដៅដល់ការបាត់បង់ប្រាក់ដោយសារការធ្វើដំណើរ។ ប៉ុន្តែអាចកែខៃបានដោយយកផ្កាមកថ្វាយព្រះ ឬក៏ជំនាងនៃ យានយន្តនោះ នៅរាល់ថ្ងៃកំណើតរបស់អ្នកនឹងជួយឲ្យមានប្រាក់កាសហូរចូលច្រើនៗ និងរួចផុតពីគ្រោះថ្នាក់ ។

លេខ៨- ជាលេខទេវត្តា៖ ដែលនេះសំដៅដល់ភាពរុងរឿង មានទ្រព្យសម្បត្តិច្រើន ទទួលបានជោគជ័យក្នុងការងារ និងសុខភាពល្អបរិបូណ៌ ព្រមទាំងនាំឲ្យការធ្វើដំណើរបានសុខមង្គលជាដរាប។

លេខ៩- ជាលេខស្តេច៖ សំដៅដល់ជោគជ័យ មានភាព ឈានទៅមុខ មានសេចក្ដីសុខ និង មានការទំនុកបំរុង ព្រមមានសុវត្ថិភាពល្អ គ្រប់ការធ្វើដំណើរ គ្រប់ទិសទី៕

ស្អាតកប់ Corolla 2019

តោះមកមើលរបៀបបាញ់ថ្នាំ តាមបួរ រថយន្ត ដោយខ្លួនឯង

FERRARI ចេញម៉ូដែល PORTOFINO ជំនួសម៉ូដែល CALIFORNIA

រថយន្ត Ferrari California ចាប់ពីពេលចេញដំបូងមកវាបានដាក់លក់នៅលើទីផ្សាកាលពីឆ្នាំ២០១០មកម្ល៉េះដែលវាមានទម្ងន់ធ្ងន់ជាង Ferrari 599 GTB Fiorano ហើយមានកម្លាំងខ្សោយជាង Ferrari F430 ទៅទៀតក៏ប៉ុន្តែក្រោមការបើកសាកល្បងកន្លងមករថយន្តដែលមានម៉ាសុីនខាងមុខមួយនេះពិតជាប្រភេទ Gran Turismo ដែលសាកសមគ្រប់កាលៈទេសៈនៃការបើកបរមែន។
បន្ទាប់មកទៀត Ferrari បានធ្វើការ Update ទៅលើរថយន្តមួយនេះទើបធ្វើឲ្យមានការបង្កើតម៉ូដែលថ្មីមួយទៀតគឺ Ferrari California T ប៉ុន្តែពេលនេះក្រុមហ៊ុន Ferrari បានជំនួសម៉ូដែលទាំង២នេះដោយម៉ូដែលថ្មីមួយទៀតគឺ Ferrari Portofino។
អ្វីដែលយើងចាប់អារម្មណ៍ដំបូងគេនោះគឺកំពូលរថយន្ត Ferrari Portofino មួយនេះមានសភាពកាចជាងម៉ូដែល California និង California T ដែលស្ទាយនិងការរចនារបស់វាគឺវាជារថយន្ត Ferrari ដែលមានស្ទាយតពីដូនតាមក។ នៅខាងមុខវានេះវិញក្រុមហ៊ុន Ferrari បាន Update ម៉ាសុីន Twin-Turbo V8 របស់ម៉ូដែល California T ឲ្យមានកម្លាំងដល់ទៅ៥៩១hp។
ក្រុមហ៊ុន Ferrari បាននិយាយថាម៉ូដែល Portofino នេះអាចបង្កើនល្បឿនពី០ដល់១០០km/hប្រើថេរវេលាត្រឹមតែ ៣.៥វិនាទីតែប៉ុន្នោះហើយវាមានល្បឿនលឿនបំផុតដល់ទៅ៣២០km/h។ រថយន្តនេះមានកន្លែងសម្រាប់មនុស្សដល់ទៅ៤ឯណោះ។
នៅផ្នែកខាងក្នុងវិញវាមានអេក្រង់ទំហំ១០.២អុិញ ចង្កូតថ្មី និងប្រព័ន្ធបញ្ជាកៅអីប្រើប្រាស់អគ្គិសនីទាំង១៨។ រថយន្តជាប្រភេទរថយន្តបើកដំបូលបាន ហើយ Ferrari បាន Upgrade ម៉ាសុីនត្រជាក់ដើម្បីឲ្យអ្នករួមដំណើរមានភាពងាយស្រួលនៅពេលដែលដំបូលរថយន្តនេះបើក។ កំពូលរថយន្តមួយនេះនឹងធ្វើការសម្ពោធនៅខែក្រោយនេះក្នុងព្រឹត្តិការណ៍ Frankfurt auto show ចំពោះតម្លៃពួកយើងមិនទាន់ដឹងច្បាស់នៅឡើយទេប៉ុន្តែអ្នកជំនាញទាយថាវានឹងមានតម្លៃប្រហែល $២០០,០០០ ដូច Ferrari California T ដែរ។
ប្រភព៖ Khmerauto